Minningarkassi

Gleym mér ei gefur foreldrum sem missa börn á meðgöngu minningarkassa til þess að taka með sér heim.

Að missa barnið sitt á meðgöngu eða í/eftir fæðingu er eitt það erfiðasta sem foreldrar þurfa að ganga í gegnum á lífsleiðinni. Tilhlökkunin og væntingarnar um það líf sem er í vændum eru brotnar. Sá tími sem fjölskyldan fær með barninu eftir fæðingu er dýrmætur og mikilvægt að skapa eins margar minningar og hægt er. Þessar minningar er hægt að varðveita um ókomin ár til minningar um það litla líf sem aldrei varð.  

Til þess að panta minningarkassa er best að senda okkur tölvupóst á netfangið okkar [email protected]ymmerei-styrktarfelag.is

Hver minningarkassi kostar um 25.000 krónur. Ef þú vilt styrkja félagið með því að kaupa minningarkassa eða gefa ákveðna upphæð uppí minningarkassa ert þú að gefa einni fjölskyldu tækifæri til að skapa minningar um barnið sitt.

Gleym mér ei minningarkassi

Bréfið sem fylgir með hverjum kassa

Kæra fjölskylda,

Okkur þykir það mjög leitt að þið séuð að lesa þetta bréf og séuð komin í okkar hóp, foreldra sem misst hafa barnið sitt.Við þekkjum ykkar sársauka og vitum að þetta virðist óraunverulegt og óyfirstíganlegt.

Það er okkar von að þið getið notað þennan minnigarkassa til að hjálpa ykkur að takast á við sorgina með því að varðveita dýrmætar minningar með barninu ykkar.

Engar tvær manneskjur upplifa þennan missi á sama hátt en saman getið þið vonandi skapað minningar sem þið munuð ávallt eiga og munu verða ykkur afar dýrmætar.

Þær minningar munu bera ykkur í gegnum bárur sorgarinnar, þegar aldan kaffærir ykkur í sorg, sem hún mun oft gera, þá er það von okkar að þessar minningar geti haldið ykkur á floti.

Foreldrar, sem munu syrgja barn sitt út lífið, hefur reynst vel að hafa þessi ráð í huga:

Takið einn dag í einu
einn andardrátt í einu
eitt skerf í einu
einn morgun í einu.

Leyfið ykkur að syrgja á þann hátt sem ykkur hentar, ekki láta segja ykkur að sorgin hafið ákveðin farveg, hún gerir það ekki og hver og einn syrgir á sinn hátt.

Fylgið hjartanu, því þrátt fyrir að hjartað sé í molum núna, þá er það hjartað sem geymir ást ykkar til barnsin.

Innihald kassanns

Handa- og fótafar af barninu

Í einstaka tilfellum er það ekki hægt en þið getið þá tekið handa- og fótafar af eldri systkinum, af ykkur sjálfum eða skreytt með fallegu skrauti til minningar um barnið.

Askja fyrir bárlokk

Því miður er ekki alltaf hægt að ná hárlokk af barninu en ljósmóðirin ykkar mun aðstoða ykkur við það ef mögulegt er.

Minningarbók

Minningarbók til að varðveita sónarmyndir, myndir frá meðgöngunni, fæðingunni og þeim tíma sem þið áttuð með barninu. Einnig getið þið sett inn í bókina samúðarkort frá ættingjum og vinum.

Minnisbók

Minnisbók til að skrá niður hugsanir og tilfinningar. Einnig til að skrá niður þær spurningar sem þið leitið svara við.

Kertastjaki

Kertastjaki með Gleym mér ei blóminu.

Armband

Armband fyrir móður og barn sem tengir ykkur saman um ókomna tíð. Ef þið getið ekki sett armband á barnið má geyma það á fallegum stað til minningar um barnið. Ef eldra systkini er til staðar getur það átt armbandið til minningar um systkini sitt. Einnig er hægt að nálgast fleiri armbönd í verslun Aurum fyrir systkini eða aðra aðstandur.

Glerskraut

Glerskrautið má nota til að hengja á fallegan stað eða á jólatréið. Hægt er að rita nafn barnsins og fæðingardag á glerið.

Myndir af bréfinu

Bréf sem fylgir hverjum minningarkassa
Innihald minningarkassans